CONCENTRACIÓN ALIANZA DO 20 DE DECEMBRO 2012

Prezadas nais e pais,

O próximo xoves, 20 de decembro, ás 19:30 horas na Praza de Galicia de Compostela, estamos todos convocados a unha concentración convocada pola Alianza Social Galega.

A Alianza é unha organización donde estamos representadas, a través da federación de anpas de Compostela, todas as asociacións de Nais e Pais desta comarca, xunto con outras moitas organizacións de moi diferente tipo, dende asociacións culturais, ata movementos sociais, sindicais ou profesionais. A Alianza representa o que sempre pedimos, un movemento de integración, onde cabe todo o mundo, que ten como único obxectivo a defensa dun estado social.
Nesta ocasión, ademais, atínxenos directamente un dos lemas da concentración pois pronunciarse en contra da privatización do ensino significa tamén defender o ensino público. Pero tamén nos concentraremos pola defensa da sanidade pública, dunha xustiza para todos, ou apoiando a defensa dos pensionistas e desafiuzados.
Se non protestamos, se non nos facemos oír, estarémoslle apoiando indirectamente todo o que están facendo, e non é iso o que queremos.

Vémonos o día 20, ás 19:30 na Praza de Galicia

Un saúdo

Xunta directiva da Anpa Ceip Lamas de Abade

 

Consultade a convocatoria AQUÍ.

Comunicado 6

Comunicado nº6

Estimados pais e nais:

En apoio as mobilizacións convocadas a nivel estatal pola Plataforma Estatal pola Escola Pública para o xoves día 13 de decembro, convocamovos a unha concentración diante do IES Rosalía de Castro as 19:00 horas.

Santiago de Compostela, a 12 de decembro do 2012

ANPA E CLUBE DEPORTIVO DO CEIP LAMAS DE ABADE (anpaceiplda@yahoo.es)

MANIFESTO 13 DE DECEMBRO

Hoxe xuntámonos todos os representantes da comunidade escolar, familias, mestres e alumnos, nun pequeño acto que ten por finalidade defender o que é noso: a escola pública.

Non estamos sós. Nestes momentos, nos centros educativos de toda Galicia e nos de todo o Estado, hai persoas coma nós defendendo o mesmo. E moitísima xente que nos apoia desde outros ámbitos fóra do meramente escolar.

 

Estamos todos para decir NON a unha reforma que pretende ningunearnos como comunidade, que non ten en conta as nosas propostas; unha reforma que é unha contrarreforma; que vai facer retroceder o ensino público e a educación a tempos que non queremos recordar. Dicimos NON ás decisións dun ministro e dun goberno que defenden ás empresas privadas de educación. Dicimos NON ao desartellamento dunha escola pública inclusiva e de calidade. Dicimos NON aos concertos, non ao elitismo, non á facernos paganos dunha crise da que non tivemos culpa e que xa estamos a padecer nas nosas casas. Abonda xa.

 

Non van facer desaparecer ás nais e pais da comunidade escolar porque non llo permitiremos. Porque o máis importante sodes os alumnos, os nosos fillos e as nosas fillas. Escollemos para vós a opción máis fermosa: unha educación laica, de calidade demostrada, aberta a todos, inclusiva e gratuíta. É o noso deber protexer o ensino público dos ataques do ministro Wert e decir, coma os avós dos vosos pais: NON PASARÁN. Porque non van pasar por enriba de todos nós: somos moitos e temos a forza da razón e a solidariedade.

 

                                       WERT  DIMISIÓN

 

(Se é posible). Como acto simbólico, como se fose unha aperta ben grande, imos rodear o noso Centro cunha cadea humana. Ímolo protexer porque é noso, porque nel aprendemos a ser futuros cidadáns e cidadás tolerantes, demócratas e críticos cos que pretendan facer da educación un instrumento de segregación e clasismo.



Charlas informativas sobre a LOMCE en Decembro

Charlas informativas sobre a LOMCE

Cando teñamos data para a charla no noso centro, voltaremos a informarvos.

CAMPAMENTO DE NADAL

Comunicado nº 5

Está aberta a inscrición para o campamento de Nadal. Farase os días 26, 27 e 28  de Decembro e 2 ,3, 4 e 7 de Xaneiro dende as 9:00 horas ata as 16:00 horas. O procedemento de inscrición será o de sempre:
•    apuntarse no taboleiro de anuncios
•    facer o ingreso na Caixa Galicia: 2080-0349-82-3040002656 (4 euros/día/sen comida) (8 euros/día/con comida)
•    entregarlle á coordinadora o justificante (Mamen)
A data límite de anotación é o 12 de Decembro do 2012

 

ANPA E CLUBE DEPORTIVO DO CEIP LAMAS DE ABADE  (anpaceiplda@yahoo.es)

http://anpa-do-ceip-lamasdeabade.blogspot.com/

A FEDERACIÓN DE ANPAS SÚMASE Á FOLGA XERAL DO 14 DE NOVEMBRO

Folga Xeral - 14 de novembro

A federación de anpas da área de Compostela, diante da convocatoria de folga xeral para o próximo día 14 de novembro, quere expresar publicamente o seu acordo; sumándose así ao inxente colectivo de movementos sociais, culturais, laborais e económicos que están apoiando esa xornada de rexeitamento a un modelo político‑económico que non é igualitario, nin eficaz, nin xusto; que non crea ningunha mellora na actual crise económica, senón que a empeora; que non oferta expectativas á nosa xuventude, que desatende os nosos maiores e enfermos, que está a crear unha sociedade insolidaria e sen futuro.

Estamos a ver cómo se recortan constantemente as achegas económicas para o ensino público, tanto no seu maior valor, que é o capital humano, o profesorado; como nas súas infraestruturas, as súas dotacións, e as súas esperanzas. E tamén estamos a ver, cunha elevadísima preocupación, cal é a liña na que se pretende cambiar o marco legal que soporta a nosa educación pública, querendo converter os nosos fillos e fillas en mercadorías, transformando a educación nunha simple cualificación laboral, desatendendo o dereito á propia formación, fomentando que os homes e mulleres do mañá carezan da capacidade de entender, criticar e modificar a súa realidade.

Por iso, porque cremos que o modelo que se está a deseñar é erróneo, comprometémonos coa expresión pública do noso desacordo, e esiximos que as medidas, nomeadamente as educativas, que se poidan adoptar, conten co imprescindible consenso e participación de toda a sociedade; porque o dereito a cambiar o futuro é de todos, e todos debemos ser escoitados.

Compostela, 12 de novembro de 2012

 

Federación de Anpas Compostela

FOLGA XERAL DO 14 DE NOVEMBRO

ANPA DO CEIP LAMAS DE ABADE Santiago a 12 de Novembro de 2012

Realizamos esta comunicación para informar @s pais/nais d@s alumn@s con respeto as medidas adoptadas pola Anpa Lamas de Abade para o vindeiro 14 de Novembro con motivo da Folga Xeral convocada a nivel nacional.

Por unha parte os monitores das actividades teñen o seu dereito como empregados a facer uso do dereito a folgae por outra encontrámonos con que o Instituto F.P. Escola de hostalería non pode facilitalo servizo de comedor como o ven realizando normalmente ; así mesmo os compoñentes da xunta directiva da Anpa Lamas de Abade comunican o seu apoio a folga xeral convocada para este vindeiro Mércores.

Tendo en conta isto e sabendo as necesidades dos seus socios con respeto a conciliación familiar decididiuse manter uns “servizos mínimos” para este dia nos que incluímos o servizo de madrugadores e un de comedor nas instalacións do centro, polo que os pais que decidan mandar os seus fillos deberan enviar tamén comida para o mediodía (comida fría: bocadillos, ensaladas,froita, lácteos…).

Recomendamos non se envíen os rapaces as acitivadades extraescolares, xa non podemos garantir o seu normal desenrolo para ese día.

Así mesmo en caso contrario informamos que o centro manterá abertas as instalacións da biblioteca cun profesor no horario de actividades

IX Certame de Arte Escolar Eugenio Granell

O Museo Fundación Eugenio Granell coa colaboración do Centro Comercial Área Central convoca o IX Certame de Arte Escolar Eugenio Granell.

1. A finalidade do Certame é impulsar a creación plástica entre os escolares, polo que, ademáis dos premios que conceda o xurado, o Museo organiza unha exposición, do 19 de decembro de 2012 ao 12 de xaneiro de 2013, coas obras presentadas ao concurso.

2. Poderán concurrir a este Certame tódolos escolares residentes en Galicia de idades comprendidas entres 3 e 5 anos e entre 6 e 12 anos.

3. O xurado, outorgará os 7 seguintes premios por especialidade:

- Debuxo

- Pintura

- Colaxe

- Escultura (construción)

- Fotografía

- Un único premio especial para os nenos entre 3 e 5 anos.

- Premio do público

Ditos premios, cedidos polo Centro Comercial Área Central, consistirán en lotes de material artístico que inclúen: Cabalete de pintor, caixa de madeira para cores e compartimentos para ordenar o material de traballo, dous lenzos para pintura, xogo de tubos de pintura e xogo de pinceis.

4. Neste IX Certame de Arte Escolar Eugenio Granell, invítase ós escolares a realizar obras-agasallo que reflexionen sobre a obra do artista, con motivo da celebración do centenario do seu nacemento (28 de Novembro do 1912), tema no que se basan diversas exposicións: O encontro na poética de Eugenio Granell na Fundación da Cidade da Cultura, A colección étnica de Eugenio Granell no Museo do Pobo Galego, O surrealismo hoxe na Fundación Eugenio Granell, Eugenio Granell no paraíso centroamericano 1940-1956

no Auditorio de Galicia, O espello do pintor. Eugenio Granell nas coleccións institucionais galegas no Centro cultural Novacaixagalicia e, por último, Eugenio Granell. Unha película de veinte minutos no Centro Galego de Arte Contemporánea.

5. Cada autor poderá participar, como máximo, cunha obra de cada categoría, e as súas dimensións non poderán ser superiores a 100 x 100 cm. Non se admitirán as obras protexidas con cristal.

6. As obras deberán presentarse polo autor ou persoa en quen delegue, na Fundación Eugenio Granell -Pazo de Bendaña, Praza do Toural, Santiago de Compostela-, indicando que son para o IX Certame de Arte Escolar Eugenio Granell. Terán que ir asinadas no dorso das mesmas e, no caso dos nenos de 3 a 5 anos, especificar a idade. Deberá incluírse un sobre pechado no dorso da obra cos seguintes datos:

-Nome e apelidos do participante.

-Idade.

-Teléfono de contacto do centro de ensino ou persoal no caso dos participantes individuais.

-Título da obra (se procede).

-Colexio.

-Nome do profesor ou reponsable.

Para facilitar a entrega, as/os profesores poden presentar de maneira conxunta os traballos do alumnado. Só se abrirán os sobres das obras premiadas.

7. O prazo de admisión será do 4 ao 15 de decembro no seguinte horario: martes a sábado de 11.00 a 14.00 horas, e de 16.00 a 20.00 h.

8. O xurado, que estará formado polos membros que no seu día se designen, seleccionará as obras, que axustándose ás bases, considere apropiadas. O xurado está facultado para conceder os premios establecidos na Base 3ª, podendo declarar deserto calquera deles. Tódalas súas decisións serán inapelables. A Fundación-Museo resérvase o dereito a substituir algún dos seus membros no caso de necesidade.

9. A entrega de premios celebrarase na sede da Fundación Granell o 19 de decembro ás 18:30 horas.

10. As obras premiadas pasarán a formar parte dos fondos da Área de Didáctica do Museo da Fundación Eugenio Granell.

11. A retirada das obras efectuarase na sede da Fundación –para o que se deberá presentar o correspondente resgardo–. As obras de escolares da mesma aula que se entregaron todas xuntas, devolveranse da mesma forma á persoa responsable que as depositara, incluindo os sobres pechados dos datos persoais. Transcorrido o prazo dun mes, estimarase que o autor renuncia a todo dereito sobre a obra presentada, podendo dispor o Museo o que considere oportuno.

12. As/os gañadores cederán os dereitos de autor co fin de editar postais que reproduzan as súas obras.

13. Os autores premiados autorizan ao Museo Eugenio Granell a reproducción, comunicación pública e distribución das súas obras por cualquera medio de comunicación e internet.

14. O Museo Eugenio Granell declina toda responsabilidade por perda, roubo, incendio ou cualquera outra causa de forza maior que poida ocorrer sobre as obras presentadas ao Certame, así como sobre os danos que poidan sufrir nos actos de recepción e devolución e no tempo que estean baixo a súa custodia. Non se suscribirá póliza de seguro que cubra tales riscos.

15. A participación neste Certame supón a aceptación por parte dos autores do contido destas bases, así como a renuncia a cualquera reclamación legal.

16. Os datos facilitados polos gañadores quedarán incorporados e trataranse de forma confidencial nun ficheiro chamado "ÁREA DIDÁCTICA" coa finalidade de xestionar e dar publicidade ao concurso de arte infantil, polo que necesitaremos o consentemento dos pais ou titores para o tratamento de ditos datos cando a obra resulte premiada. Para o exercicio dos dereitos de acceso, rectificación, cancelación e/ou oposición de ditos datos, deberán dirixirse ao seguinte enderezo: Fundación Eugenio Granell. Pazo de Bendaña. Praza do Toural, s/n (CP: 15705 - Santiago de Compostela, A Coruña).

INFORMACIÓN E SOLICITUDE DE BASES

Na Fundación Eugenio Granell, Pazo de Bendaña, Praza do Toural, 15705 Santiago de Compostela

Tel. 981576394 / 981572124 www.fundacion-granell.org

ALIANZA SOCIAL GALEGA

Nace a Alianza Social Galega, que agrupa a CC.OO, CIG e UGT e outras moitas organizacións, así como tamén a CONFAPA, a confederación de  asociacións de pais e nais de Galiza. Ao redor de 60 organizacións que forman parte da nova plataforma, nacida como espazo de encontro para o debate e a acción da sociedade civil galega oposta ás políticas de austeridade e aos recortes económicos e de dereitos impostos polo Partido Popular.

"Non nos xuntamos por casualidade nin por electoralismo, senón para loitar contra unhas politicas que agreden os sectores sociais que representamos. Parécenos moi ben presentar isto en eleccións, porque o voto ten moito valor e cómpre mudar as actuais correlacións de forzas nos parlamentos".

"Estamos firmemente decididos a defender uns dereitos e unhas condicións de vida que se conseguiron tras moitos anos de loita e sacrificios das xeracións pasadas e presentes. Estamos firmemente decididos a loitar para que os nosos fillos e fillas poidan vivir nunha sociedade galega máis xusta, libre, democrátia e sustentábel social e ambientalmente".

Se queredes saber máis sobor desta plataforma, consultade este artigo.

STOP Á LEI WERT

Podedes asinar, se non o fixestes xa. Lede á postura desta plataforma:

Ciudadan@s por la Educación Pública manifiesta su más absoluto rechazo al anteproyecto de Ley Orgánica para la Mejora de la Calidad Educativa (LOMCE) por las siguientes razones:

-Por su carácter profundamente antidemocrático,

-En el proceso de elaboración de la ley (de espaldas a la comunidad educativa, a los grupos sociales y políticos, a las Comunidades Autónomas).
En la organización de los centros docentes, en que una dirección nombrada a dedo por la Administración pasa a tener poderes absolutos en la gestión de los mismos.

-Por su concepción mercantil de la educación, que antepone las necesidades de los mercados a la formación integral de niñas y niños, y a la construcción de una sociedad más justa y cohesionada.

-Por utilizar la educación como herramienta para la segregación y la exclusión.

Por todo ello, pedimos la retirada del anteproyecto de ley y la apertura de un período de verdadero diálogo con la comunidad educativa y con todas las fuerzas sociales y políticas que permita sentar las bases de un modelo educativo consensuado y sostenible.

Apoya la propuesta de detener la ley:
http://www.yoestudieenlapublica.org/stop.php

COMUNICADO Nº 3

Estimados pais e nais:

Debido a un erro nas datas, a asemblea da ANPA  do día 11 de outubro cámbiase para o día 18 de outubro ás 17:00 horas en primeira convocatoria e ás 17:30 a segunda e definitiva.

A orde do día comprenderá os seguintes puntos:

1º.- Lectura e aprobación da acta anterior.

2º.- Informe sobre o servizo de comedor e madrugadores.

3º.- Informe sobre as actividades da Anpa.

4º.- Preguntas e suxestións.

O remate da asemblea será ás 19:30 horas.

Pregamos a vosa asistencia para tratarmos os temas mencionados.

                                                 

COMUNICADO Nº 2

Estimados pais e nais:

Convócase a asemblea da ANPA o xoves, día 11 de Outubro de 2012, ás 17:00 en primeira convocatoria e ás 17:30 na segunda e definitiva.

A orde do día comprenderá os seguintes puntos:

1º.- Lectura e aprobación da acta anterior.
2º.- Informe sobre o servizo de comedor e madrugadores.
3º.- Informe sobre as actividades da Anpa.
4º.- Preguntas e suxestións.
 

O remate da asemblea será ás 19:30horas.

           

Pregamos a vosa asistencia para tratarmos os temas mencionados.

 

Santiago de Compostela, a 8 de Outubro do 2012

Asociación de Nais e Pais e Clube Deportivo do CEIP Lamas de Abade

COMEDOR

COMEDOR

-         O servizo de comedor é dado pola escola de hosteleria durante os meses de outubro ata maio .En xuño e setembro contratarase unha empresa de catering.

-          PARA INSCRIBIRSE NO COMEDOR, HAI QUE ANOTARSE ANTES DO 20 DO MES ANTERIOR. NON SE ADMITIRÁN NENOS DESPOIS DESTA DATA.

-         Non haberá devolucións nin se descontará ningunha comida; todolos cambios faranse antes do 20 do mes anterior. Pódese cubrir un único impreso ( dende outubro ata maio) ou mensual.  Os nenos que vaian a utilizar o comedor durante o mes de xuño, deberán cubrir o impreso correspondente que se entregará xunto co recibo de maio e entregalo antes do 20 de dito mes.

-         Os recibos deberán abonarse entre o 1 e o 10 de cada mes e entregar o resgardo á coordinadora. Cobraranse tódalas comidas veñan ou non.

-         Se algún neno ten problemas alérxicos, tanto alimenticios coma de outro tipo, deberase comunicar na folla de solicitud do comedor e traer o xustificante médico.

-         Cando sexan enfermedades puntuais ( gastrointeritis…) se poderá solicitar unha dieta o mesmo día antes das 10:00 chamando a coordinadora do comedor.

-         Tódolos nenos que vaian a utilizar o comedor deben traer:

                - UN CHUVASQUEIRO ( TODOS)

                - MANDILÓN CO NOME ( NENOS DE E.I.)

                - CEPILLO DE DENTES ,PASTA E VASO ( TODOS)

                - BOTAS DE AUGA ( OPCIONAL)

                - MUDA COMPLETA ( OPCIONAL NENOS DE E.I.)

RECOLLERANSE AOS NENOS A PARTIR DAS 15:30 NO PATIO CUBERTO. NON SE PERMITE O ACCESO AO INTERIOR DO COLEXIO NIN A ESCOLA DE HOSTELERIA.

SE OS NENOS NON SON RECOLLIDOS POLOS PAIS, A PERSOA QUE VEÑA DEBERÁ TRAER UNHA AUTORIZACIÓN FIRMADA POR ELES CO D.N.I. . DO CONTRARIO  NON SE ENTREGARÁN OS NENOS.

 

CALQUERA DÚBIDA POÑERSE EN CONTACTO CA COORDINADORA DO COMEDOR MAMEN 662382294 DE  7:45 A 10:00 E DE 13:00 A 18:30

-----------------------

Se queredes gardar esta normativa do comedor, podédela descargar AQUÍ.

Se o voso fillo vai quedar TÓDOLOS MESES ó comedor ("comedor fixo"), descargade o formulario AQUÍ.

Se polo de agora vai quedar ó comedor o mes de Outubro, descargade o formulario AQUÍ.

 

 

CARTA DE PRESENTACIÓN DO CURSO 2012-2013

ANPA E CLUBE DEPORTIVO DO CEIP LAMAS DE ABADE (anpaceiplda@yahoo.es)

NOVO CURSO 2012 – 2013
Ola amigos e amigas:
Comenzamos un novo curso e queremos poñervos ó día. Estes son os servizos que ofreceremos:

•         actividades extraescolares, desde as 16:30 ata as 18:30

•         campamentos de vacacións, desde as 9:00 ata as 16:00

•         comedor a continuación das clases ata as 16:30, excepto os venres que será ata as 16:00

•         madrugadores, dende as 7:30 ata a entrada ao colexio

O comedor funciona desde o 12 de Setembro con catering  ata as 16:00.

A partir de Outubro, os nen@s comerán na Escola de Hostelería.

Queremos recordarvos unhas normas básicas da ANPA:

•         COMEDOR: deberase entregar a solicitude antes do 20 do mes anterior, senon, non serán admitidos. Aqueles nenos que veñan sempre, poderán cubrir un único papel anual. Non se devolverán importes unha vez contratadas as comidas.

•         ACTIVIDADES EXTRAESCOLARES: As actividades extraescolares comezan o 1 de outubro e rematan co fin de curso. Todas as actividades da ANPA serán aboadas anticipadamente, entre o día 1 e 10 de cada mes. (O pago das actividades é trimestral). Para inscribirse nas actividades da ANPA e preciso ser socio e ter feita a inscrición antes do 21 de Setembro. Todos @s nen@s deberán, ter suscrita a poliza de seguros, para poder asistir a os servizos ofertados pola ANPA. Para darse de baixa avisar un mes antes, e nunca no mesmo trimestre.

•         CAMPAMENTOS DE VACACIÓNS: Non se devolverán os importes pagados, non sendo a comida se se avisa o día anterior. Debedes apuntarvos na lista do taboleiro e PAGAR NO BANCO, entregando o xustificante de pago á responsable antes da data indicada.

•         MADRUGADORES: Non se devolverán os importes pagados, non sendo se se avisa unha semana antes.

•         As responsables destes servizos son: COORDINADORA de comedor,  madrugadores e campamento:MAMEN 662382294 de  7:30 a 10:00 e de 13:00 a 18:30; INMA  662382216 de 13:00 a 18:30, actividades extraescolares.

•         Aquelas persoas que non teñan os seus pagos o día, non serán admitidas o mes seguinte.

•         Os nen@s que se queden ó comedor serán recollidos a partir das 15:30 , no patio interior cuberto do colexio, onde haberá unha monitora para atender a recollida dos nen@s, a cal deben dirixirse.

-          PARA UNHA MELLOR ORGANIZACIÓN, NON SE PERMITIRÁ O ACCESO D@S PAIS/NAIS, AO INTERIOR DO COLEXIO, NEN A ESCOLA DE HOSTELERIA.

-          Para que ós meniños lles de tempo de almorzar, deben estar en madrugadores ANTES DAS 8:30, pois despois desa hora non da tempo de tomar o almorzo.

-          Facemos unha vez máis fincapé na importancia que ten a vosa colaboración, é preciso a axuda de tod@s.

-          O HORARIO DE RECOLLIDA DOS NENOS/AS OS VENRES É ÁS 16:00, HORA DO PECHE DO COLEXIO. A Anpa non se responsabiliza a partir da mesma.

-          Recóllense todos os impresos tanto de comedor como de actividades en conserxería ou no comedor.

-          A proba dos chándales serán o luns día 17 e o martes 18 en horario de 16:30 a 18:30. O prezo é de 25 euros.

 

DEBEDES RESPECTAR OS HORARIOS DE SAÍDA DOS MENIÑOS, a nosa responsabilidade é ata o horario marcado. Non se poden recoller @s nen@s no medio das actividades, haberá que esperalos á saída do centro.

Para a contratación destes servizos están á vosa disposición os impresos no comedor e na conserxería. A data límite de entrega será o DÍA 20 DE SETEMBRO.

Contades con máis información no taboleiro da ANPA (na entrada do cole e no comedor)

Aquelas persoas que desexen recibir a información a través de e-mail, mandade unha mensaxe a anpaceiplda@yahoo.es

A directiva da ANPA espera a vosa sincera colaboración .                               

                                                                                                    Un saúdo

Se queredes gardar estes datos, podedelos descargar AQUÍ.

 

ESCOLA MUNICIPAL DE VERÁN DE INGLÉS, ENGLISH SUMMER SCHOOL

A escola de verán de inglés é unha proposta educativa para o mes de xullo, do 2 ao 31, en horario de 9:00 a 14:00 horas, no IES Rosalía de Castro (Rúa de San Clemente, 3). A recepción dos participantes farase dieariamente dende as 8:15 horas para facilitar a conciliación das familias que do precisen.

Este programa está dirixido a nenos/as e a mozos/as empadroados no concello de Santiago, que cursaran algún dos cursos seguintes: 1º de primaria a 2º da ESO (ambo-los dous inclusive), con niveos de inglés diferentes. Esta oportunidade de aprendizaxe combina as clases de inglés con obradoiros lúdicos, para aproveitar o tempo de actividade non escolar e practicar mellorando o seu inglés á vez que utilizan este tempo para procurar novas relacións socializadoras.

Se estades interesados, aquí tendes todo o que precisades:

Máis información

Ficha de inscrición

A ESCOLA EN PERIGO

O GALEGO NA EDUCACIÓN

1.0 galego necesita aprenderse na escola
En Galicia temos dúas linguas e o sistema educativo debe conseguir que se dominen as dúas.

A escola ten que garantir que os nenos/as saiban por igual galego e castelán. Hoxe en día, para moítos nenos/as a escola é o único lugar no que conviven co galego. Por iso, xa que o galego precisa espazos de uso, é fundamental que, cando menos, a metade das materias se impartan no noso idioma. Porque, todos estamos de acordo, as linguas apréndense usándoas.

2. Saber galego axuda a aprender
Os especialistas en adquisición de linguas (Cummins, I. Vila, C. Baker...) demostran nos seus estudos que é máis fácil aprender unha nova lingua partindo doutras. Canto máis temperá é a introdución de novas linguas mellor se consolidan.

Se un alumno aprende nunha lingua poderá transferir os coñecementos a calquera outra (se aprende matemáticas en galego, poderá utilizar os seus coñecementos matemáticos en calquera outra lingua).

Sabiades que...

... o alumnado galego ten mellor dominio do castelán que a media española?

O informe Pisa sinala que a; comunidades con dúas linguas se sitúan por riba da media española en competencia en lingua caítelá.
Existen estudos que demostran que en Galicia os resultados obtidos polo alumnado son mellores que os doutras comunidades autónomas

... o alumnado galego ten mellor dominio do inglés que a media española?

... o alumnado galego remata a secundaria máis capacitado que o doutras comunidades que teñen unha soa lingua?

Seis premios nacionais de bacharelato e formación profesional deste ano foron para o alumnado galego, alumnado que se formou estudando materias en lingua galega.

O coñecemento das linguas internacionais é necesario, pero nin dinamarqueses, nin holandeses, nin islande-ses... deixan de lado a súa lingua propia a pesar de teren poucos falantes. Todas as culturas entenden a lingua como un patrimonio que hai que protexer e do que sentir' se orgullosos.

O galego é unha ponte para coñecer a lingua portuguesa e ábrenos as portas a un mercado próximo aos 300 millons de persoas. Nun mundo fortemente competitivo onde os idiomas van ser básicos para abrirse camiño na vida, temos que ser conscientes todos nós de que non nos podemos permitir o luxo de desprezar ningunha das nosas potencialidades lingüísticas.

Documento 1
Documento 2
Documento 3

ASAMBLEA XERAL ORDINARIA O PRÓXIMO MÉRCORES 23 de MAIO

Teu fillo ou filla vai ser o afectado.

Estimad@s pais e nais: A batería de recortes do goberno vai empeorar o ensino público, xa no próximo curso: Menos profesorado, non se van cubrir as baixas, sen profesores de apoio, sen biblioteca, e non sabemos cantas cousas máis. Por si isto fose pouco, atrancos institucionais á xestión de comedores e actividades extraescolares, dificultades para a xestión das mesmas polas anpas, abandono da responsabilidade civil,…
Pódese decir que o ensino público está en risco máis ca nunca.
As anpas están a dar servizos que deben facer as administracións públicas (Consellería de Educación, Concello de Santiago ) e que estas non fan.
Acude a asamblea da anpa. Entre tod@s podemos parar os recortes.

ASAMBLEA XERAL ORDINARIA O PRÓXIMO MÉRCORES 23 de MAIO
16.00 pm (1ª Convocatoria) 16.30 (2ª Convocatoria)

ORDE DO DÍA:
1. Lectura e aprobación da acta da sesión anterior.
2. Balance económico.
3. Informe de comedores.
4. Peche de Actividades Extraescolares.
5. Información sobre os recortes no ensino público, incidencia en Lamas de Abade.
6. Rogos e Preguntas.

ANPA E CLUBE DEPORTIVO DO CEIP LAMAS DE ABADE
anpaceiplda@yahoo.es

PLATAFORMA EN DEFENSA DO ENSINO PÚBLICO DE SANTIAGO DE COMPOSTELA

Plataforma en defensa do ensino público de Santiago de Compostela

Estimadas familias, estimad@s compañeir@s:

Somos un grupo de persoas directamente relacionadas co ensino público –familias e profesionais- moi alarmados polo camiño polo que se está querendo levar ao noso sistema educativo; e entendemos que agora é máis necesaria que nunca a súa defensa.

Por isto, convocamos a todas as persoas interesadas a unha asamblea aberta que terá lugar no CEIP de Fontiñas o 9 de maio ás 20:00 para valorar esta situación así como para debater e decidir actuacións ante o deterioro ó que as actuais medidas conducen á educación pública e ó sistema educativo en xeral.

Agradecemos anticipadamente a vosa colaboración e esperamos a vosa asistencia.

CAMPAMENTO DE SEMANA SANTA 2012

PROGRAMA MUNICIPAL DE CONCILIACION DE SEMANA SANTA.

Para que esté interesado no Campamento de Semana Santa do Concello, aquí tedes a programación e a ficha de inscrición. Aproveitade.

Cartel
Información
Ficha de inscrición

ENTROIDO 2012

Dende a federación municipal de ANPAS estamos intentando organizar unha comparsa para participar na cabalgata do Entroido. Pensamos que estíbese enfocada á problemática do ensino que actualmente estamos a sufrir, polo que levaríamos pancartas- reivindicativas nese tema.

Para facela, temos que contar con todos vos, pais nais e nenos e nenas polo que necesitamos saber con antelación canta xente se suma a esta iniciativa, reunimos e comezar a confeccionar o disfráz colectivo e ditas pancartas. Antes do día 27 de Xaneiro debemos ter estas cifras; comunicádello a Mamen ou Inma, ben por teléfono ou en persoa, Tamén podedes escribir un email á conta da ANPA. Logo, faríamos unha reunión para organizalo todo e distribuír tarefas. A idea é facer un disfráz sinxelo, pero unificado entre todos os asistentes.

ANIMÁDEVOS

Unha das propostas que fixemos é a de disfrazarnos todos de material escolar, tal que gomas, afilalápices, libros ou encerados, por exemplo. Fixemos exemplos destes dous últimos. Son muy doados de facer e podedes replicalos vos mesmos axudándovos das fotos e explicacións paso a paso. Botádelles un ollo:

Disfraz de libro

Disfraz de encerado

CAMPAMENTO DE ENTROIDO 2012

ANPA E CLUBE DEPORTIVO do CEIP LAMAS DE ABADE
(anpaceiplda@yahoo.es)
http://anpa-do-ceip-lamasdeabade.blogspot.com/

Está aberta a inscrición para o campamento de entroido. Farase os días 20,21 e 22 de febreiro dende as 9:00 ata as 16:00 horas. O procedemento de inscrición será o de sempre:
-Apuntarse no taboleiro de anuncios.
- Facer o ingreso na Caixa Galicia:2080-0349-82-3040002656 (4 euros/día/sen comida e 8 euros/día / con comida).
-Entregarlle á coordinadora o xustificante ( Mamen)

A data límite de anotación é o 10 de febreiro.

FESTA DO ENTROIDO DO 16 DE FEBREIRO

Coma todolos anos, celébrase, neste centro, a festa de ENTROIDO do ANPA que será o día 16, xoves de 16:30 a 18:30. Sempre pedimos a colaboración dos pais e nais para axudar nesta celebración, pero este ano facemos fincapé nelo, para poñer as mesas, servir as bebidas, e, sobre todo, ó remate da festa, colaborar na recollida de todo.
A entrada ao cole farase polo patio cuberto por seguridade dos rapaces e rapazas, quedando aberta únicamente a porta lateral do patio para uso dos baños.
Tamén nos gustaría que aportásedes algo para comer, algún dulce ou especialidade caseira para compatir entre todos nos.

Así mesmo, dicirvos que NON HABERÁ ACTIVIDADES EXTRAESCOLARES NESE DÍA.
Esperamos que asistades todos .

Unha aperta

Santiago, a 23 de Xaneiro do 2012 ANPA CEIP LAMAS DE ABADE

COMPOSTELLA DICITUR

COMPOSTELLA DICITUR. A CIDADE DA CATEDRAL. SANTIAGO EN 1211



Dende a ANPA estamos intentando organizar unhas visitas guiadas para ir ver esta exposición multimedia audiovisual e interactiva sobre Compostela no século XIII e a finalización das obras da catedral de Santiago, que se están a organizar na Casa do Cabildo na Plaza de Praterías. (Soio para alumnos de PRIMARIA) A data que temos reservada é:

VENRES 10 DE FEBREIRO
17:00-18:00 E DE 18:00 A 19:00



O número máximo de prazas é de 40 (20 en cada turno). Saíremos do cole en bus ás 16:15 e a chegada depende da xente que se apunte, igual que o prezo do bus. Se queredes apuntarvos, tedes que facelo antes do día 27 de Xaneiro. Cubride a ficha que abaixo se adxunta e, coma sempre, entregádella a Mamen ou Inma.
Outra opción sería quedar na Praza da Quintana ás 16:30 e alí recoller aos nenos e facer a visita ca ANPA e ó remate, xa os pais recollen nesta praza a cada fillo. Así é de valde. Ó facer a inscripción, señalade cál das dúas opcións queredes.



ANIMÁDEVOS


Se non tedes o impreso de inscripción que se mandou polos nenos, descargádeo AQUÍ