COMUNICADO Nº 8, SEGURO DE ACCIDENTES E SUBVENCIÓN DE COMEDORES

ANPA E CLUBE DEPORTIVO do CEIP LAMAS DE ABADE (anpaceiplda@yahoo.es) http://anpa-do-ceip-lamasdeabade.blogspot.com/ Comunicado nº 8

Na asemblea da ANPA, celebrada o 18 de Novembro de 2010, aprobouse por unanimidade de todos os presentes o acordo da contratación obrigatoria dun seguro de accidentes para todos os nenos e nenas que asisten a actividades organizadas pola ANPA. Será contratado a partir do 1 de Xaneiro de 2011 e o custo total por asegurado será de 5 euros/ano. Pasaranse os recibos en canto se formalice a relación coa aseguradora ALLIANZ.

En canto á subvención de comedores, informouse de que, para este ano, a Xunta non concedeu á nosa ANPA ningún tipo de axuda nin subvención para o comedor, pois non teñen cartos.

Tratouse o tema da contratación dos monitores; formalizaremos a sua relación laboral ca anpa no próximo trimestre, co que incrementaremos o custe das actividades extraescolares a partir de Xaneiro.

Tamén está pendente a renovación de cargos da directiva da ANPA, pois neste curso marchan catro, para os que non se presentaron candidatos. Na próxima asemblea deberán votarse estes catro cargos, para o que é necesario que se presenten novos candidatos.

COMUNICADO Nº 7, ORDE DO DÍA DA ASEMBLEA

Convócase a asemblea da ANPA o próximo xoves, día 18 de Novembro do 2010, ás 19:30 en primeira convocatoria e ás 20:00 na segunda e definitiva.

A orde do día comprenderá os seguintes puntos:

1º.- Lectura e aprobación da acta anterior.
2º.- Contratación de monitores.
3º.- Subvención de comedor 2010-2011.
4º.- Elección de novos cargos para a directiva.
5º.- Contratación de seguro de responsabilidade civil da anpa.
6º.- Preguntas e suxestións.

O remate da asemblea será ás 21:15

Pregamos veñades todos para tratar os temas mencionados

Haberá un servizo de gardería para aqueles que teñan que traer os seus nenos/as.

Tamén queremos recordarvos que consultedes os taboleiros, xa que alí está toda a información da ANPA.

COMUNICADO Nº 6, CAMPAMENTO DE NADAL

Está aberta a inscrición para o campamento de Nadal. Farase os días 23, 27, 28, 29, 30 de Decembro e 3, 4, 5 e 7 de Xaneiro dende as 9:00 horas ata as 16:00 horas. O procedemento de inscrición será o de sempre:

• apuntarse no taboleiro de anuncios
• facer o ingreso na Caixa Galicia: 2091-0349-42-3040002656 (4 euros/día/sen comida) (8 euros/día/con comida)
• entregarlle á coordinadora o justificante (Mamen)

A data límite de anotación é o 15 de Decembro do 2010.

INICIO ACTIVIDADES EXTRAESCOLARES 2009-2010

ANPA E CLUBE DEPORTIVO DO CEIP LAMAS DE ABADE (anpaceiplda@yahoo.es)

INICIO ACTIVIDADES EXTRAESCOLARES 2009-2010
Comunicado nº3

Hola amig@s:
O vindeiro día 4 de Outubro, comezan as actividades extraescolares no horario de 16:30 as 18:30. Os nenos/as que queden ó comedor, xa os conducen as monitoras a cada actividade. O transporte funcionará como outros anos, dúas rutas de transporte agás os martes que serán cinco.
OS PAIS NON PODEN ENTRAR NO CENTRO, as horas de recollida dos nen@s son ó remate das actividades, NUNCA entre horas, a non ser causa xustificada e sempre será o conserxe ó que avise @ nen@

Queremos recordarvos varias cousiñas:

• Hai unha ludoteca de apoio á que poden asistir todolos nenos/as, complementaria as actividades. Se tedes xoguetes ou contos en bó estado que vos sobren, podedes aportalos a esta ludoteca.
• Cada neno/a virá cá roupa axeitada para cada actividade (chándal ou similar para as deportivas e adecuada para as demáis). Cada monitor/a aconsellará sobre isto.
  É importante a puntualidade; pola boa organización das actividades, pregámovos sexades serios cas horas.
• Os nen@s que se queden ó comedor serán recollidos a partir das 15:30 no colexio, OS PAIS NON PODEN ENTRAR NA ESCOLA DE HOSTELERÍA.
• Para que ós meniños lles de tempo de almorzar, deben estar en madrugadores ANTES DAS 8:40, pois despois desa hora non da tempo de tomar o almorzo.
• Así mesmo, temos correo electrónico no que podedes depositar todo tipo de cuestións: anpaceiplda@yahoo.es. Facemos unha vez máis fincapé na importancia que ten a vosa colaboración, pois para que isto funcione ben é precisa a axuda de todos.
• O teléfono da coordinadora das actividades é: 662382216 e o seu nome Inma.
• O HORARIO DE RECOLLIDA DOS NENOS/AS OS VENRES É ÁS 16:00, HORA DO PECHE DO COLEXIO. A Anpa non se responsabiliza a partir da mesma.
  
  Santiago, 27 de Setembro do 2010

ENTREVISTA CON CORREO TV (15-09-2010)

Tra-la asamblea da ANPA mantida o luns 13 de Setembro decidimos seguir adiante coas nosas movilizacións ata que teñamos resposta por parte da Consellería de Educación. Como seguinte paso onte mércores 15 de Setembro varios membros da ANPA mantivemos unha nova entrevista con Correo TV na que manifestamos a nosa firme postura de protesta ata que a administración nos aporte explicacións á nosa situación.

NOTA DE PRENSA (14-09-2010)

Ola:
A ANPA do CEIP Lamas de Abade segue adiante ante a NON contestación da administración aos problemas que a Consellería de Educación segue sen resolver. Na reunión da asemblea da ANPA do luns 13 de setembro, celebrada no colexio, adoptáronse os seguintes acordos que podese consultar AQUÍ.
Unha aperta. Moncho.

INICIO DO CURSO CON RODA DE PRENSA

Hoxe venres 10 de Setembro comenzámo-lo curso como tíñamos previsto. Cointinuando as nosas peticións de resolución dos problemas do centro, manifestámonos con pancartas e repartimos octavillas para informar dos inconvintes e citar ó pais a unha asamblea, como xa vos informamos no artigo anterior.

O importante da nosa actuación de hoxe foi amosar ante rolda de prensa na entrada do centro que non desistimos na nosa loita polo benestar dos nosos nenos. Polo momento só contamos cunha breve nota de prensa. Encanto dispoñamos de artigos e videos, poñerémolos á vosa disposición.

Contamos convosco na asamblea do luns 13 de Setembro (ás 15:30 en primeira convocatoria e ás 16:00 en segunda). Gracias polo voso apoio.

Enlace á nota de prensa AQUÍ

CONCENTRACIÓN NAS PORTAS DEO CEIP LAMAS DE ABADE

A ANPA do CEIP Lamas de Abade sigue adiante ante a NON contestación da administración, entre as MOBILIZACIÓNS E ACTUACIÓNS ACORDADAS POLAS NAIS E PAIS despois da concentración na Praza da Quintana do martes 29 de xuño:

* Concentración nas portas do CEIP Lamas de Abade o venres 10 de setembro as 9:15 h coincidindo co comenzo do curso.

* Reparto de octavillas a todolos pais, nais, cos problemas sen resolver no CEIP Lamas de Abade:

• Dobre liña de Educación Infantil
• Falta de baños nas aulas de infantil
• Desaloxo ocupas
• Ordenadores para os alumnos/as de primaria
• Libros de texto Comedor.

Estas actuacións terán lugar o VENRES 10 DE SETEMBRO ás 9:15 H, invitamovos a asistir a elas e asi poder informarvos.
Agradecendo de antemán a vosa presenza despidimonos cunha aperta.

REUNIÓN PARA SEGUIR COAS REIVINDICACIÓN DA DOBRE LIÑA

Tal como quedaramos en Xuño, penso que nos deberíamos reunir, para concretar as mobilizacións, un bo día é o vindeiro luns 6 as 19:30 diante do colexio, espero vervos a todos/as. Divulgadeo. Bo fin de semana e ata o luns

Moncho.

Video da concentración na Quintana

Situación de “Dobre liña de infantil XA! no CEIP Lamas de Abade”

Despois da concentración na Praza da Quintana de onte martes, 29 de xuño, comunicámovos os acordos que se adoptaron ó final do acto:

1) Ao non ter resposta (aínda) da solicitude de entrevista co Conselleiro de Educación, unha comisión de 7 u 8 persoas (da directiva da ANPA, representantes no Consello Escolar e afectados/as que xa asistiron a entrevistas anteriores) estará localizable e dispoñible para asistir a ela.

2) Mantérmonos en contacto para coñecer as novidades e manter activos as canles de comunicación do colectivo en internet:
Grupo en Facebook (xa somos maís de 230):
http://www.facebook.com/group.php?gid=107507412632576
Blog da ANPA:
http://anpa-do-ceip-lamasdeabade.blogspot.com/

3) Continuar co envío de envío masivo de e-mails a responsables da Consellería de Educación (se non coñeces aínda a iniciativa, pide que cha reenvíen desde a ANPA: anpaceiplda@yahoo.es)

4) Valoraremos presentar unha queixa ao Valedor do Pobo en función de se contestan ou non ou se é a resposta é negativa.

5) Convocar unha asemblea a principios de setembro para valorar a situación e decidir novas mobilizacións se o tema non está resolto daquela. Estade atentos á convocatoria por correo electrónico, blog ou Facebook.

Un saúdo e feliz verán: ANPA do CEIP Lamas de Abade.

Concentración na Praza da Quintana. Martes 29 de xuño

Podedes ver máis fotos pulsando AQUÍ

30/6/2010 El Correo Gallego Lamas de Abade sigue con las movilizaciones

30/6/2010 La Voz de Galicia Lamas de Abade exige respuesta a Educación sobre la demanda de ampliación de un aula en el colegio

Entrega de sinaturas

Nota de prensa:
25/6/2010 La Voz de Galicia La Anpa de Lamas de Abade ve «xusto e razoable» que se amplíe un aula de infantil al colegio público

Queixas en Lamas de Abade

Apoios recibidos do grupo Parlamentario do BNG

Podedes consultar nos seguintes enlaces as solicitudes de resposta que o grupo parlamentario do BNG fai á Comisión en apoio da nosa demanda da dobre liña infantil.

Pregunta para a súa resposta escrita
Pregunta para a súa resposta oral en Comisión
Proposición Non de Lei para o seu debate en Comisión

Convocatoria Rolda de Prensa‏

A ANPA do CEIP Lamas de Abade sigue adiante ante a NON contestación da administración, entre as MOBILIZACIÓNS E ACTUACIÓNS ACORDADAS POLAS NAIS E PAIS DURANTE O PECHE NO CEIP LAMAS DE ABADE DO MARTES 22 DE XUÑO:

• Entrega no Rexistro Xeral da Xunta dunha solicitude de ENTREVISTA co CONSELLEIRO DE EDUCACIÓN
• Entrega no Rexistro Xeral da Xunta das sinaturas de apoio a dobre liña de Educación Infantil.

Estas actuacións terán lugar o XOVES 24 DE XUÑO ás 12:30, invitamovos a asistir a elas e asi poder informarvos dos acordos tomados no peche do martes 22.
Agradecendo de antemán a vosa presenza despidimonos cunha aperta.

Pepe: 609.886.167
Suso: 651.372.023
Moncho: 605.039.240

MOBILIZACIÓNS E ACTUACIÓNS

MOBILIZACIÓNS E ACTUACIÓNS ACORDADAS POLAS NAIS E PAIS DURANTE O PECHE NO CEIP LAMAS DE ABADE DO MARTES 22 DE XUÑO:

1. Entrega no Rexistro Xeral da Xunta dunha solicitude de ENTREVISTA co CONSELLEIRO DE EDUCACIÓN e entrega de sinaturas de apoio:
   XOVES 24 DE XUÑO ás 12:30 (convocaremos a esa hora aos medios de comunicación)
   Quedamos ás 12:00 diante da Estación de Autobuses (sede puntuais!!!)


2. CONCENTRACIÓN (con pancarta) + ROLDA DE PRENSA na Praza da Quintana:
   MARTES 29 DE XUÑO ás 18:30 nas escaleiras da Praza da Quintana


3. Abrir un grupo de FACEBOOK: “Dobre liña de Infantil XA no CEIP Lamas de Abade”


4. Queixa ao Valedor do Pobo (anunciarase e farase se seguen sen contestar)


5. Envio por e-mail a distintos cargos da Consellería de Educación dunha FOTO DO PECHE cun slogan (pensado para que cada un/unha o envíe individualmente a partir do modelo que se vos remitirá).

É IMPORTANTE A PARTICIPACIÓN DE TODOS/AS NESTAS CONVOCATORIAS PARA CONSEGUIR A MÁXIMA DIFUSIÓN E O ÉXITO DAS NOSAS XUSTAS REIVINDICACIÓNS!!!

Un saúdo.

CONCENTRACIÓN NO CENTRO O MARTES 22 AS 18:00 H

A ANPA do CEIP Lamas de Abade ANTE A FALTA DE RESPOSTA DA ADMINISTRACIÓN CONTINÚA CAS MOVILIZACIÓNS PREVISTAS CONVOCANDO:
Unha rolda de prensa o Martes 22 as 18:30 no CEIP Lamas de Abade, onde informaremos dos apoios recibidos e das futuras movilizacións.

Agradecendo de anteman a vosa presenza despedímonos cunha aperta.Anpa Ceip Lamas de Abade

A ANPA DO CEIP LAMAS DE ABADE ANTE A FALTA DE RESPOSTA DA ADMINISTRACIÓN CONTINÚA CAS MOVILIZACIÓNS PREVISTAS

CONVOCAMOS UNHA CONCENTRACIÓN NO CENTRO O MARTES 22 AS 18:00 H

As familias afectadas e os representantes da ANPA, (tralos multiples apoios, tanto individuais como colectivos) queremos manifestar o seguinte:
Consideramos inaceptable a actitude e prepotente e autoritaria de distintos representantes da administración educativa, por non atender a nosa xusta petición e no seu momento ameazarnos con reducir aínda máis a oferta de prazas escolares en cursos vindeiros. Esa é a única resposta que recibimos ata día de hoxe.
A normativa vixente permite a autorización de seis aulas de infantil con ratios de 20 alumnos, o que permitiría admitir todas as solicitudes para infantil que tiveron que ser denegadas e dar preferencia de admisión en 1º de primaria aos centros adscritos.
Non aceptar a petición de seis unidades, ou peor, reducir a oferta a tan só tres, deixaría fora a nenos e nenas que xa teñen irmáns escolarizados no centro e non garantiría a libre elección de centros na rede pública polas familias da zona, que como todos deben saber, está en clara expansión demográfica.
Non aceptar a petición de seis unidades supón empeorar a calidade do ensino e non garantir una adecuadada atención aos menores (ratios elevadas, nenos de distintas idades mesturados, aulas sen baños, carencia de profesorado de apoio especialista en educación infantil…).
Non aceptamos a escusa que pon a Administración para non conceder a dobre liña (a reserva de prazas para os centros de infantil adscritos), por non ser razonable.

A ANPA do CEIP Lamas de Abade e o Consello Escolar do centro aínda están á espera da contestación ao escrito de demanda da dobre liña de educación infantil (6 aulas en total) cursada o pasado 25 de maio. Na asemblea celebrada o pasado 17 de xuño, acordouse iniciar novas accións, dado o curso escolar vai rematar e a Consellería nin sequera se digna a contestar á petición formal do Consello Escolar, onde están representados os distintos sectores da comunidade educativa.

Tras manter entrevistas cos responsables de Educación dos tres grupos parlamentares (PP, PSOE e BNG) e cas Asociacións Veciñais da zona (O Castiñeiriño, O Eixo, A Pontepedriña, Sar, Marrozos e Aríns).

CONVOCÁMOVOS A UNA ROLDA DE PRENSA O MARTES 22 AS 18:30, enfronte ao CEIP Lamas de Abade, onde vos daremos conta dos apoios recibidos.

Non descartamos outro tipo de mobilizacións antes do final de curso e no caso de non obter contestación, continuaremos as nosas protestas desde os primeiros días do vindeiro curso escolar.


Santiago, 21 de xuño de 2010
ANPA DO CEIP LAMAS DE ABADE

RELACIÓN DE SOLICITANTES DE BOLSAS DE COMEDOR ESCOLAR QUE DEBEN EMENDAR A SÚA SOLICITUDE

Santiago de Compostela, 10 de xuño de 2010


En cumprimento do previsto no artigo 71 da Lei 30/1992, do 26 de novembro, de réxime xurídico das administracións públicas e do procedemento administrativo común e na base 9 da convocatoria das bolsas de comedor escolar, publícase a relación de solicitantes que deben emendar a súa solicitude, para que no prazo de 10 días hábiles, a partir do seguinte á publicación deste relación, acheguen os documentos preceptivos, advertíndolles que se non o fixeran, se considerará que desistiron da súa solicitude, previa resolución que deberá ser ditada nos termos previstos no artigo 42 da dita Lei 30/1992.

O prazo, xa que logo, comprende do 11 ao 22 de xuño, ambos os dous incluídos.

A seguinte táboa recolle a documentación que se lles require, para a súa presentación no antedito prazo, advertíndolles que a xustificación de ingresos da unidade familiar se refire a todos os membros maiores de 16 anos, agás que estean cursando estudos regrados, en cuxo caso deberán presentar o certificado de matrícula correspondente.

CONSULTAR A TÁBOA AQUÍ

.

.

.

CALEDARIO DE ACTIVIDADES PARA O CURSO 2010-2011

SAIRON AS AXUDAS DOS LIBROS PARA O CURSO QUE VEN

Orden de 28 de mayo de 2010 por la que se convocan ayudas para la adquisición de libros de texto, materiales curriculares y material didáctico y complementario

destinadas al alumnado matriculado en centros sostenidos con fondos públicos en

1º, 2º, 5º y 6º de educación primaria y en educación especial en el curso escolar

2010-2011. 9.673. Podedes acceder ós impresos neste enlace:

DIARIO OFICIAL DE GALICIA Nº 101 Lunes, 31 de mayo de 2010.

Moitas grazas

Bea

Notas de Prensa

Neste espacio podedes consultar as notas de prensa que se publiquen sobor dos nosos temas abertos, coma a solicitud da dobre liña infantil.

30/6/2010 El Correo Gallego Lamas de Abade sigue con las movilizaciones

30/6/2010 La Voz de Galicia Lamas de Abade exige respuesta a Educación sobre la demanda de ampliación de un aula en el colegio

25/6/2010 La Voz de Galicia La Anpa de Lamas de Abade ve «xusto e razoable» que se amplíe un aula de infantil al colegio público

23/6/2010 La Voz de Galicia La comunidad escolar de Lamas de Abade exige con un encierro una nueva aula de infantil

3/6/2010 La Voz de Galicia Lamas de Abade pide apoyo en la ciudad y en el Parlamento para incorporar otra aula al colegio

3/6/2010 La Voz de Galicia Lamas de Abade pide apoyo en la ciudad y en el Parlamento para incorporar otra aula al colegio

21/5/2010 La Voz de Galicia Denuncian que Educación no va a ampliar los colegios de Roxos y Lamas de Abade

12/3/2010 La Voz de Galicia El colegio de Lamas de Abade teme perder servicios con su nueva zona