Prezadas familias:
Como sabedes, o curso está a piques de rematar e que mellor forma de celebralo que facendo unha festiña para dar a benvida ás ansiadas vacacións de verán.
Farémola o venres, 16 de xuño, de 17:00 a 20:00. A rapazada poderá desfrutar de inchables, festa da espuma e animación musical. Esperamos poder contar coa participación de toda a comunidade educativa.
Gustaríanos
solicitar a vosa colaboración. Cada familia tería que encargarse de traer
algo para facer unha merendola todos/as xuntos/as. Cada quen pode traer o
que se lle antolle, agás as bebidas, xa que diso encargámonos nós.
Para que podamos gozar da festa e que non xurda ningún problema queriamos darvos algunhas indicacións:
· Poderán acceder ao colexio os nenos e nenas matriculados no centro, irmáns e proxenitores. A rapazada debe vir acompañada dun adulto que se responsabilice dela durante toda a festa.
· Accederase ao patio de columnas pola porta lateral do recinto, a que comunica co pavillón. A festa dará comezo as 17:00. Ata esa hora, os monitores e os voluntarios estarán organizando e montando todo para a festa.
· Os nenos e nenas que participen na festa da espuma deberán traer roupa cómoda e calzado que se poda mollar, muda e toalla.
· Para montar nos inchables será necesario o uso de calcetíns.
· Imos a ser moitos e todos coñecemos o tamaño do aparcadoiro e os problemas que diariamente xorden, non hai prazas para todos e un coche mal aparcado pode dificultar moito a circulación. Pedimos que na medida do posible a xente veña a pé.
· Intentemos entre todos deixar limpo todo, haberá contenedores para depositar o lixo.
· Fagamos un uso responsable das instalacións do colexio e dos baños. Só se poderá acceder ao edificio do colexio para o uso dos baños da planta baixa (accédese a eles dende o patio de columnas)
· Recordade que non se pode fumar en todo o recinto escolar.
· Se as inclemencias do tempo fan imposible a realización do evento, comunicarase a súa suspensión.
