Campamento de Nadal 2021/2022.

Estimadas familias,

Xa está aberta a inscrición para o campamento de Nadal 2021/2022.

Horario e prezos:

De 7:45 a 9:00 (madrugadores: 1,90 euros por día). Opcional.

De 9:00 a 14:00 (actividades: 6 euros por día)

De 14:00 a 16:00 (xantar: 5,7 euros por día). Opcional.

Información importante sobre o servizo de comedor.

O servizo de xantar será servido pola empresa Ruta Jacobea e serán necesario chegar a un mínimo de 15 comensais por día para poder ofrecelo. Soamente no caso de non chegar a este mínimo as familias poderán traer a comida da casa. (Neste caso haberá que pagar 1,50 € en concepto de gastos de persoal). Será preciso informar á coordinadora sobre calquera intolerancia alimentaria ou alerxia antes de realizar o pagamento.

Formalización da inscrición.

Deberá facerse o ingreso na conta de ABANCA: ES80 2080 0349 8230 4000 2656.

O xustificante de pago, xunto co formulario debidamente cuberto, enviarase á coordinadora (Mamen) por correo electrónico ao enderezo coordinadoralamas@gmail.com. (Recordamos que tanto as inscricións como os xustificantes de pago de todos os servizos (comedor, madruga, actividades e campamentos) deben ser enviadas ao enderezo electrónico da coordinadora da ANPA)

A data límite para anotarse será o venres, 10 de decembro do 2021.

A reserva ordenarase pola data de pagamento e o número máximo de usuarios será de 50, sendo necesario chegar a un mínimo de 10 persoas anotadas para que o campamento se poida levar a cabo.

Desenvolvemento do servizo.

O horario de chegada, no caso de non solicitar madrugadores, será de 9:00 a 10:00. Non se poderá acceder ao campamento despois das 10:00.

O horario de recollida será ás 14:00 (sen comida) ou ás 16:00 (se xantan no campamento). Prégase que respectedes estes horarios, recordando que no caso de incumprimentos reiterados na hora de chegada ou de recollida procederase a aplicar a normativa de recollida especificada nas normas xerais da Anpa.

FORMULARIO CAMPAMENTO NADAL

Nota:

O formulario, unha vez descargado no noso equipo, pódese enviar electronicamente seguindo uns sinxelos pasos. Unha vez cuberto pódese imprimir escollendo a opción de “Guardar como pdf”, “Microsoft Print to PDF” ou similar e deste modo quedará gardado no ordenador. Ese arquivo conterá o formulario cuberto e será o que se debe enviar a coordinadoralamas@gmail.com.

Un saúdo.

Actividades extraescolares

 Estimadas familias, 

en primeiro lugar queremos informar que o próximo luns, 29 de novembro, comezarán as actividades extraescolares.

Finalmente non poderán organizarse as seguintes: Xogos predeportivos, Rítmica para infantil, Kárate, Baloncesto, EmocionArte, ProyectArte e Xadrez. 

O resto (Rítmica (1º-6º), Patinaxe, Futbiño e Balonmán) realizaranse segundo o horario previsto, aínda que no caso de Futbiño haberá un só grupo, os martes e xoves, de 16:30 a 17:30, e a actividade non comezará até o xoves, 2 de decembro, por mor das tarefas de mantemento que se realizarán no pavillón. 

Este é o cadro definitivo das actividades extraescolares para o curso 2021/2022

Os nenos e nenas deberán traer roupa cómoda (chándal ou mallas), e no caso de rítmica (Primaria) uns calcetíns, xa que a actividade realizarase sen calzado. 

Os patíns deberán vir dentro dunha mochila, e poderán quedar no pavillón, nun baúl do que dispón a ANPA. Tanto a mochila como os patíns deberán vir marcados con nome e apelidos. 

Recordade, por último, que non está permitido o acceso ao pavillón.

En canto á ludoteca, ofrecerá o servizo os luns e os mércores, de 16:30 a 18:30 e os martes e xoves de 16:30 a 17:30. 

O servizo será para infantil e primaria, e a programación será a seguinte:

Luns: Actividades medioambientais e ciencia divertida.

Martes: Artes plásticas.

Mércores: cine e animación á lectura

Xoves: Xogos. 

Se queredes facer uso deste servizo podedes inscribirvos a través do formulario da federación, seguindo as instrucións que se conteñen no mesmo.  

Menús do mes de decembro 2021.

 Estimadas familias, 

xa están á vosa disposición os menús dos comedores para o mes de decembro.

Recordade que podedes acceder a estes, e aos dos meses anteriores, no apartado MENÚ COMEDORES deste blog.

Un saúdo e moitas grazas. 

Nota informativa sobre o xoves, 25 e o martes, 30 de novembro.

 Estimadas familias, 

dende Hostalaría infórmannos que o próximo xoves, 25 de novembro, por mor da folga de estudantes convocada, non poderán ofrecer o servizo de comedor, polo que ese día as nenas e nenos de 4º, 5º e 6º de Primaria comerán o menú de cátering ofrecido pola empresa Ruta Jacobea.

Ademais, dende o Concello de Santiago de Compostela informaron que o martes, 30 de novembro, o Pavillón Lamas de Abade estará pechado durante todo día por tarefas de mantemento. Ese día, os usuarios do comedor de 1º, 2º e 3º de Primaria serán recollidos, ao igual que o resto do alumnado de Primaria, na porta do patio de columnas. Ademais non se desenvolverán as actividades extraescolares que puideran estar programadas para ese día no pavillón (futbiño e baloncesto).

Lamentamos as molestias que isto poida ocasionar.

Un saúdo e grazas.

Ampliación do prazo para inscribirse nas actividades extraescolares 2021/2022.

 Estimadas familias, 

unha vez rematado o prazo de inscrición nas actividades extraescolares para o curso 2021/2022 queremos informar que co número de inscricións solicitadas soamente poderían ofrecerse catro actividades: Patinaxe A, Patinaxe B, Rítmica Primaria e Balonmán 4º-6º, que xa chegou ao número máximo de usuarios. (Recordade que é preciso un mínimo de 10 solicitudes por actividade para que esta poida levarse a cabo).

Polo tanto, amplíase o prazo até o próximo xoves, 25 de novembro para inscribirse nas actividades extraescolares (excepto Balonmán para 4º e 6º, que xa chegou ao número máximo de inscricións). 

Formulario actividades ANPA.

Podedes acceder a toda a información sobre ás actividades neste enlace.

Agardamos que algunha outra actividade poida chegar ao mínimo de 10 inscricións.

O venres, 26 de novembro, informaremos sobre que outras actividades, ademais das catro mencionadas, acadaron o mínimo solicitudes para que poidan realizarse.

Un saúdo. 

Nota:

O formulario, unha vez descargado no noso equipo, pódese enviar electronicamente seguindo uns sinxelos pasos. Unha vez cuberto pódese imprimir escollendo a opción de “Guardar como pdf”, “Microsoft Print to PDF” ou similar e deste modo quedará gardado no ordenador. Ese arquivo conterá o formulario cuberto e será o que se debe enviar a coordinadoralamas@gmail.com.

Inscrición actividades curso 2021/2022

 Estimadas familias, 

o próximo martes, 16 de novembro, ás nove da mañá, abrirase o prazo para facer a inscrición nas actividades extraescolares ofertadas pola ANPA para o curso 2021/2022. O prazo remata o venres, 19 de novembro, ás 16:00 h. Non se admitirán solicitudes presentadas antes de tempo. 

Recordade que para que unha actividade poida desenvolverse, deberá ter un mínimo de 10 inscricións. O número máximo de usuarios e os prezos veñen reflectidos no cadro seguinte.

Como en cursos anteriores, as prazas asignaranse segundo a orde de inscrición, tendo preferencia aquelas persoas que estiveran anotadas na actividade o último curso no que se realizaron. 

O pagamento das actividades extraescolares ofertadas pola ANPA realizarase mensualmente, entre os días 1 e 10 de cada mes.

O formulario para inscribirse nas actividades extraescolares organizadas pola ANPA enviarase preferentemente por correo electrónico a Mamen, a coordinadora da ANPA (coordinadoralamas@gmail.com) ou entregarase en formato papel.

Aquelas familias que desexen facer uso da Ludoteca da Federación de ANPAS deberán cubrir o formulario da propia federación, seguindo as indicacións sobre inscrición e pagamento que se inclúen no mesmo. Estas solicitudes haberá que envialas ao enderezo electrónico santiago@actex.es.

A inscrición nas actividades supón a aceptación das normas xerais da ANPA que podedes consultar neste mesmo blog, no apartado de Normas Xerais. Polo tanto, segundo o establecido no apartado G, punto 1, aquelas familias que non sexan socias da ANPA deberán abonar 27 € en concepto de matrícula e pagar o correspondente seguro escolar.  

O mércores 24 informaremos ás familias sobre a adxudicación de prazas e sobre o comezo das actividades, que en principio será o luns, 29 de novembro.

Por último, sinalar que mentres duren as medidas pola COVID-19, a duración das actividades terá que ser de 50 minutos para que dea tempo a facer as tarefas de desinfección entre cada actividade. Ademais, as nenas e nenos deberán traer unha mascarilla cirúrxica nova para usar despois do comedor, e no caso de actividades deportivas, unha por cada unha das actividades que realicen.

Aquí podedes consultar o dosier con toda a información sobre cada unha das actividades.

Formulario actividades ANPA

Formulario Ludoteca Federación.

Un saúdo.

Acordos da Asamblea Xeral do 21/10/2021.

 Estimadas familias, 

Este é un resumo do acordado na pasada Asemblea xeral do 21/10/2021. 

Aquí podedes acceder ao contido íntegro da Acta da reunión.

Un saúdo.