PROGRAMA DE CONCILIACIÓN DE NADAL 2013

Ábrese o prazo de inscrición no programa de conciliación de Nadal promovido pola Concellería de Educación

 Adrián Varela deu conta do programa de conciliación de Nadal.

11/12/2013 A partir deste xoves e ata o 16 de decembro estará aberta a inscrición no programa de conciliación familiar e laboral para este Nadal 2013. A iniciativa comprenderá un conxunto de actividades educativas, deportivas e de lecer que se desenvolverán nos CEIP Pío XII e As Fontiñas, dirixidas aos nenos e nenas con idades comprendidas entre os 3 e os 12 anos. O programa realizarase do 23 de decembro ao 8 de xaneiro, coa excepción dos días 25 de decembro e 1 de xaneiro.

Este programa concíbese como un espazo educativo e de promoción do lecer, ademais de ser unha alternativa para de conciliación para as familias no tempo de vacacións do Nadal. Segundo adiantou en rolda de prensa o concelleiro de Educación en funcións, Adrián Varela (en ausencia de María Castelao), poderán participar ata 187 rapaces e rapazas.

As familias poderán inscribir nenos e nenas que cursen estudos en centros de educación infantil e primaria, entre o 2º ciclo de Educación Infantil e o 3º ciclo de Educación Primaria de Santiago. Terán a opción de escoller entre participar todos os días do programa ou en días soltos. A inscrición realizarase a través dos rexistros persoal ou auxiliares cubrindo o formulario que estará dispoñible nesta web, no Departamento de Educación ou nos propios rexistros. A admisión será por rigorosa orde de inscrición.

O horario será de 7:45 a 15:30 horas. O servizo de madrugadores (aula matinal) funcionará de 7:45 a 9:00 horas e poderá ser con ou sen almorzo. De 9:00 a 14:00 horas realizaranse os obradoiros e actividades. Finalmente, entre as 14:00 e as 15:30 horas, existe a posibilidade de que os rapaces fagan uso do servizo de comedor.

O prezo dependerá das modalidades ofrecidas oscilando dende os 75 euros da opción de só actividades ata os 143 euros da opción máis completa, incluíndo actividades, servizo de madrugadores con almorzo e servizo de comedor. Para familias numerosas os prezos irán dos 60 aos 114,40 euros. En caso de elixir días soltos, o prezo dependerá do número de opcións escollidas.

Máis información e folla de inscrición a descargar AQUÍ.

REPORTAXE QUE FIXO A TVG SOBRE O COMEDOR DOS NENOS DE LAMAS

Se non vos coincidiu de ver a reportaxe no seu día, podedes vela dende aquí ou no enlace de abaixo. Para todos os que tivemos a curiosidade de saber cómo é ese momento do comedor dos nosos pequechos.

http://www.crtvg.es/informativos/os-cativos-dunha-escola-de-santiago-servidos-coma-clientes-de-luxo-no-comedor-escolar-684561

UN ARTIGO NA VOZ DE GALICIA SOBRE O NOSO SERVICIO DE COMEDOR

O correo La Voz de Galicia fixo un artigo sobre o atento servicio de comedor que reciben os nosos nenos no veciño centro de FP. Convidámosvos a lelo ou descárgalo pulsando na foto.

CONCENTRACIÓN CONTRA A LOMCE O 24 DE OUTUBRO

Comunicado

Estimados pais e nais:

En apoio as mobilizacións convocadas pola Plataforma Galega en Defensa do Ensino Público    para o xoves día 24 de outubro, convocámosvos a unha concentración, en contra da LOMCE na Praza do Toural, ás 11:30

Quedan suspendidos tódolos servizos ofrecidos por este ANPA, (madrugadores, comedor e actividades) para o xoves dia 24 de Outubro, aínda que se manterán uns servizos mínimos  nos que se contempla un comedor de “taper” ou comida fría, que terán que traer os nen@s que decidan vir o cole.

Este servizo mínimo terá como hora limite para recoller os cativos no centro as 16:00 horas

                                                                              Santiago de Compostela, a 16 de Outubro do 2013

ANPA E CLUBE DEPORTIVO DO CEIP LAMAS DE ABADE

 

 

NON Á LOMCE Merca a túa camiseta



Saberedes polas diferentes manifestacións en contra da LOMCE que hai unha camiseta da Plataforma Galega en Defensa do Ensino Público, da que somos membros,o formar parta da federacion de anpas de Compostela.

 

A Federación decidíu colaborar coa venda de camisetas  á xente que estea interesada. As camisetas teñen un custo de 5,00 € / unidade (só cobre os gastos de fabricación). Hai tallaxe desde a S até a XXL e temos dous tamaños infantís (para 5-6 anos e para 9-10).

 

Se estades interesados en adquirir unha, so tedes que decirlle a Mamen o nome da persoa, a talla e  o numero de camisetas que  queredes. O pago das camisetas farase por adiantado

Un saudo 

ANPA Lamas de Abade

 

WERTGOÑA

 

Dende a Federación de Anpas Compostela transmitíronnos este video xunto con estas acertadas palabras:

"Ola a tod@s:
Envíovos a primeira produción artística da Federación Compostela :-)

 

En realidade este vídeo naceu desa minúscula iniciativa que se chamaba Movemento compostelán en Defensa do Ensino Público: un grupo de profes e xente de anpas traballando xuntos contra a LOMCE (Supoño que lembrades as charlas informativas do ano pasado en colexios e institutos).

 

Nun momento do curso pasado, tivemos a sorte de contar con xente diposta a regalarnos o seu traballo e a súa inspiración e da súa colaboración, naceu este vídeo.

 

Envíovolo para que o difundades por aí porque a súa enerxía pode axudar a que a xente se sume dunha maneira construtiva a facerse visible na rúa, a amosar activamente a súa oposición a esta lei que, falando moi en serio, suporía un retroceso brutal para o sistema de ensino".

PROMO COMPOSTELA JUDO CLUB

OS MENORES E O USO SEGURO DAS REDES SOCIAIS

O próximo 26 de Setembro terá lugar un taller gratuito moi aconsellable e interesante sobre o uso adecuado de internet por parte dos nosos nenos. Os temas a tratar serán os seguintes:

• O menor como vítima ou responsable de delitos cometidos a través de internet
• Menores e novas tecnoloxías: benvidos ao deserto do real
• Tuenti: privacidade e seguridade 
• Consellos técnicos para o uso seguro das redes sociais

Se queredes informarvos mellor podedes descargar o folleto en formato pdf AQUÍ.

 

Tedes ata o día 25 para inscribirvos no 656 621 952  ou por email en redesmenores@cpetig.org .

 

DOAZÓN DE LIBROS

Se queredes participar no empréstamo solidario de libros entre as familias do noso centro, podedes solicitalo por medio DESTE IMPRESO.

O presente impreso de solicitude é ao mesmo tempo un compromiso de respecto e cumprimento ás normas que a ANPA establece para este Plano de axuda para a obtención de material educativo.

As normas son ben sinxelas:

- Os materiais recíbense en condición de empréstimo, non de propiedade, e ao final de curso hai que devolver todo. Os materiais débense respectar e tratar co máximo coidado posíbel. Fanse Vdes. responsábeis del.

- A perda, maltrato, mal uso ou deterioro innecesario e/ou inxustificado do material, implica devolución do empréstimo íntegro e a reposición ou pago do material afectado.

 

 

Podedes descargar o impreso AQUÍ.

 

COMUNICADO 14. BANCO DE LIBROS

ANPA E CLUBE DEPORTIVO DO CEIP LAMAS DE ABADE(anpaceiplda@yahoo.es)

http://anpa-do-ceip-lamasdeabade.blogspot.com/

Comunicado nº 14

Estimadas familias:

A ANPA quere poñer en marcha a finais deste curso un “BANCO DE LIBROS”, para poder usar no vindeiro curso 2013-2014. Esta iniciativa consiste en que se poden entregar os libros utilizados  deste curso polos  vosos fillos e fillas e, a  cambio, pódense recibir  libros do próximo curso.

Como podedes imaxinar, organizar isto non é un proceso sinxelo e require da boa vontade e colaboración de todas as persoas interesadas:

O máis importante é pensar que podemos entregar os libros que xa non imos necesitar e permitir que outra persoa os utilice.

Ás persoas que entreguen os libros, terán dereito a recibir outros.Trátase de facer un reparto equitativo e xusto para todolos solicitantes

As persoas encargadas de recollelos  comprobarán que os libros se atopan en bo estado (enteiros e limpos: borrados, etc).  Cando remate o prazo de entrega os libros recibidos de cada curso se repartirán entre as persoas que entregaran os do curso anterior. Os libros deben coidarse e entregarse de novo en bo estado ( ou repoñerse polo usuario ) ao final do próximo curso.

Os libros que poden formar parte do banco son:

Para os cursos  de 1º, 2º (só lectura de lingua castelá e galega  e libro de ingles),para 3º,4º, 5º e 6º, tódolos libros.

IMPORTANTE:

Para os que entreguen os libros de 6º e vaian estudar en Pontepedriña, organizarase a entrega de libros de 1º da ESO, en coordinación coa ANPA de Pontepedriña, da mesma maneira, repartiranse os libros entregados entre as persoas que deixaran os libros de 6º no seu colexio.

Datas de recollida de libros:

O martes 25 de xuño e ata o mércores 26 de xuño ; en horario de 14:00 a 16:00.

Preparación de lotes o Xoves 27 de Xuño, (para este dia pídese a colaboración dos socios para levalo a cabo) a partir das 14:00 horas.

Datas de entrega de libros:

Venres 28 de xuño e luns 1 de xullo, en horario de 14:00 a 16:00.

Unha vez máis, damos as grazas a todos pola vosa colaboración, entre todos pódese conseguir.

CHARLAS SOBRE A LOMCE O XOVES

CHARLAS SOBRE A LOMCE NO CEIP LAMAS DE ABADE

CONVOCATORIA DA PLATAFORMA GALEGA EN DEFENSA DO ENSINO PÚBLICO

ESTÁN TOLOS ESTES ROMANOS

"Están tolos estes romanos"

Cronos montou un lío no tempo e sabemos que o imperio romano ten pensado reaparecer o día 12 de abril en Pombal 18. En Troitalevín e Itaca decidimos xuntarnos ese día para esperalo e ver que vai pasar, ¿resistiremos totalmente ao novo imperio ou aproveitaremos dalgunha das súas innovacións?.

Dividiremos a xornada nestas partes

17h. - 18,30h.: os habitantes do pombal veremos alterada a nosa vida cotidiana pola chegada do propio Xulio Cesar, que nos presentará algunhas das súas recentes "conquistas" e tamén algúns dos pobos que se lle resisten. As calzadas, obras públicas, o circo, o latín... Faremos actividades cooperativas para ver se nos parecen interesantes, ou non, algunha destas novidades e decidir se as adoptamos aínda que tamén haberá que ver se a súa intención é respetarnos, ou teremos que facernos valer...

18,30h. - 19,30h- merenda de confraternidade.

19.30h.- Charla sobre Roma con Ramón Daniel, un mozo de Troitalevín que nos vai presentar a vida na Roma do momento.


Se queredes máis información, podedes descargar o PDF aquí.

CHARLA: A IMPORTANCIA DA INTEGRACIÓN DO ENTORNO NA DETECCIÓN DOS SINAIS DE ALARMA

A ANPA en colaboración con DIANA INSTITUTE oferta a todos os pais, nais e mestres unha charla referente ós sinais de alarma a ter en conta no desenvolvemento e comportamento do neno no seu entorno. Terá lugar no Colexio Lamas de Abade o vindeiro martes 9 de abril as 17:15.

Importancia da integración do entorno na detección dos sinais de alarma

Composición da charla:

·         Sinais de alarma: Concepto y contextualización.

·         ITEMS a ter en conta.

·         Integración do entorno como axente activo na detección deos sinais de alarma.

·         Importancia da integración do entorno  como axente activo no tratamento do xove.

·         Casos prácticos levados a cabo en DIANA INSTITUTE.

·         Presentación de DIANA INSTITUTE.

·         Charla coloquio cos asistentes para resolución de dúbidas.

Duración aproximada de 1 hora.

Impartida pola Doctora Dagmar Gabriela Nedelcu.
 
 
A charla terá lugar o vindeiro día 9 de abril ás 17:15 na nosa escola.

 

PROGRAMA MUNICIPAL DE CONCILIACIÓN PARA A “SEMANA SANTA 2013”

PROGRAMA MUNICIPAL DE CONCILIACIÓN PARA A “SEMANA SANTA 2013”
25, 26 e 27 de marzo e 1 abril de 2013
Lugar de celebración: CEIP As Fontiñas
Prazo de matriculación: do 8 ao 15 de marzo de 2013 (ambos os dous inclusive).
Nº máximo de prazas: 60
Inclúe servizos de comedor e de madrugadores.
Por rigoroso orde de inscrición no Rexistro do concello de Santiago.


DEPARTAMENTO DE EDUCACIÓN

Ficha matricula semana santa 2013.pdf
INFO XERAL SEMANA SANTA 2013.pdf


Tel: 981 55 44 00
Fax: 57 15 11
dptoeducacion@santiagodecompostela.org
www.santiagodecompostela.org

LOMCE?, NON GRAZAS

O Movemento Compostelán en Defensa do Ensino Público xa ten páxina web. Por favor axúdanos a compartila:

http://lomce-non-grazas4.webnode.es/

 

Iste movemento pretende ensanchar, máis aínda, o espazo no que nos movemos todos os membros da comunidade educativa pública: o ensino. Aquí estamos pais, nais, titores, titoras, profesores e profesoras do alumnado deste país; quen sempre debéramos estar xuntos,...

CHARLA SOBRE A LOMCE

 A charla correrá a cargo de:
- Ana Alonso, Profesora de Filosofía no IES Xelmírez II
- Miguel Vázquez Freire, escritor e Profesor de Filosofía no IES Eduardo
Pondal

Día: 22 de febreiro ás 8,30 h.
LUGAR: Local da Troita Armada, Rúa do Pombal, nº 18, Compostela

Rematada a charla, disfrutaremos duns petiscos e poderemos debater de
xeito máis distendido e lúdico c@s conferenciantes.

É preciso saber as persoas que queiran disfrutar dos petiscos, polo que
deben confirmar a asistencia antes do Mércores 20 de febreiro, ás 14 h.

http://www.facebook.com/#!/pages/Ascociaci%C3%B3n-cultural-e-gastron%C3%B3mica-A-Troita-Armada/91960981911


Saúdos

CAMPAMENTO ANTROIDO DA FEDERACION (2013)

 

Un ano máis queremos que os nenos en nenas coñezan unha das nosas festas máis tradicionais. Por iso con todas as actividades que se realizarán no noso campamento intentaremos que os nenos e nenas se divirtan e disfruten duns intensos días de festa a través da realización de obradoiros de COCIÑA, MANUALIDADES, BAILES, XOGOS… ó mesmo tempo que coñecen as celebracións máis tradicionais do Entroido en Galicia.

 

Tedes a información e a folla de inscrición AQUÍ.

MOVILÍZATE CONTRA A LOMCE