Menús do mes de outubro.

 Estimadas familias: 

 

Xa podedes consultar os menús do mes de outubro.

Recordade que podedes acceder a estes, e aos dos meses anteriores, no apartado MENÚ COMEDORES deste blog.

Un saúdo.

Comunicado actividades_Curso 2023-24

Estimadas familias:

Unha vez rematado, o pasado 8 de setembro, o prazo de inscricións para as actividades ofertadas pola ANPA e revisadas as solicitudes presentadas, enviámosvos o seguinte cadro onde podedes consultar as actividades que finalmente se poderán levar a cabo este curso. Todas as solicitudes que chegaron para estas actividades teñen praza.

Como podedes ver, NON se poden realizar por non chegar ao mínimo de usuarios necesarios: Teatro (E.I), Xadrez, Psico-diversión (E.I -2º), Pintura (2º–6º), Esgrima e Balonmán. Nalgunhas das actividades do cadro aínda quedan prazas libres, polo que podedes consultar coa coordinadora se estades interesadas en inscribir aos vosos fillos ou fillas nalgunha delas.

A continuación daremos unha serie de recomendacións, aínda que na primeira semana as monitoras e monitores irán explicando máis polo miúdo como se desenvolverán cada unha das actividades.

A actividade de Robótica para o alumnado de primaria durará unha hora e media mentres que para infantil terá o horario habitual dunha hora. Por favor, tédeo en conta á hora de organizar a recollida dos vosos fillos e fillas.

Para Patinaxe deberán traer patíns de bota e catro rodas. Deberán vir dentro dunha mochila e poderán quedar no pavillón, nun espazo do que dispón a ANPA. Tanto a mochila como os patíns deberán vir marcados co nome e apelidos.

Para Pintura deberán traer un mandilón ou unha camiseta que se poida manchar co seu nome.

Para o resto de actividades deberán traer roupa cómoda (chándal ou mallas) e no caso de Rítmica uns calcetíns (a actividade realízase sen calzado) e o pelo recollido. En Kárate non é preciso traer kimono, pero se alguén o ten pode traelo.

Recordade que as actividades comezarán o luns, 2 de outubro e que non está permitido o acceso ao pavillón. As nenas e nenos entregaranse ás familias ao final de cada actividade na porta do pavillón ou pola porta principal da escola, dependendo do lugar no que teñan lugar as mesmas. De pintura sairán polo patio de columnas, entre o recinto do cole e o pavillón.

O pagamento das actividades extraescolares ofertadas pola ANPA realizarase mensualmente, entre os días 1 e 10 de cada mes. Os recibos irán nas mochilas das nenas e nenos.

A inscricións nas actividades supón a aceptación das normas xerais da ANPA que podedes consultar neste mesmo blog, no apartado de Normas Xerais. Polo tanto, segundo as mesmas, aquelas familias que non sexan socias da ANPA deberán abonar 27€ en concepto de matrícula.

Para calquera aclaración ou consulta podedes dirixirvos á coordinadora Mamen (coordinadoralamas@gmail.com; teléfono.:662382294)

Comunicado inicio do curso 2023-2024.

 Estimadas familias,

En primeiro lugar agardamos que todas esteades ben e que puiderades aproveitar estes meses de vacacións para descansar e coller folgos para o novo curso escolar que está a piques de comezar.

A continuación imos facer un pequeno resumo de como serán os horarios dos servizos que ofrecerá a ANPA dende o comezo do curso escolar.

 

Servizo Madruga

A entrada no Servizo Madruga será de 7:30 a 8:30, aínda que aquelas nenas e nenos que vaian almorzar terán que chegar antes das 8:20 para que teñan tempo a almorzar con tranquilidade e asearse antes de iniciar a xornada escolar. O resto chegará obrigatoriamente antes das 8:30.

Os nenos e nenas entrarán soas pola porta principal do centro, onde serán recollidas polo persoal da ANPA e acompañadas ao lugar onde se prestará o servizo. Ao final do mesmo lavarán os dentes e serán acompañados ao lugar asignado polo Centro para se incorporaren ás súas aulas.

Deberán traer un neceser con cepillo e pasta de dentes, co seu nome escrito nun sitio visible.

Ademais, os nenos e nenas de infantil poderán traer un mandilón, que virá tamén co seu nome escrito nun lugar visible e que irá para casa os venres.

Servizo de Comedor.

O Servizo de Comedor será de 14:00 a 16:30. O persoal da ANPA recollerá aos nenos e nenas de infantil nas súas aulas e acompañaraos aos distintos comedores. Despois de comer serán acompañados aos aseos para realizar a hixiene persoal e o lavado de dentes.

Deberán traer un neceser con cepillo e pasta de dentes, co seu nome escrito nun lugar visible.

Ademais, os nenos e nenas de infantil poderán traer un mandilón, que virá tamén co seu nome escrito nun lugar visible e que irá para casa os venres.

A recollida do alumnado de infantil será pola porta principal do Centro a partir das 15:30.

Os nenos e nenas de primaria recolleranse a partir das 15:45 na porta do pavillón.

As familias deberán recoller aos nenos e nenas antes das 16:30. Haberá que entregar unha autorización previa no caso de que as familias queiran que veña outra persoa recoller aos seus fillos ou fillas. A persoa autorizada deberá acreditar a súa identidade antes de levar ao neno ou nena.

No caso de que puntualmente algún día se precise dieta especial, deberá comunicalo á coordinadora da ANPA entre as 8:00 e as 9:30 para poder facer os cambios pertinentes nos menús.

O custo dos servizos mantense igual que o curso pasado, polo que o prezo do comedor é de 6 € ao día mentres que o do servizo madruga é de 2 € ao día, con almorzo e de 1,90 € ao día sen almorzo.

Como sempre, os recibos serán enviados nas mochilas e o prazo para pagar será entre os días 1 e 10 de cada mes. Pregamos que nos fagades chegar os xustificantes de pagamento a través o correo da coordinadora da ANPA. (coordinadoralamas@gmail.com)

Recordamos tamén que neste curso a empresa que se fará cargo da elaboración dos menús de infantil e dos menús especiais (intolerancias, alerxias, etc) será Barrigola. Tamén subministrará os menús ao alumnado de primaria nos periodos nos que hostalaría non pode ofrecer o servizo (setembro, xuño e vacacións)

Por último, queremos recordarvos que o horario da coordinadora da ANPA é de 12:00 a 19:00 horas, e que calquera dúbida o incidencia que teñades só será atendida nese horario no teléfono 662 382 294. Lembrade que podedes tamén empregar o correo coordinadoralamas@gmail.com.

Nos próximos días achegaremos información sobre o pagamento da cota de socios e dos recibos do mes de setembro, así como sobre as actividades que comezarán no mes de outubro e outras novidades que poidan producirse. Podedes consultar as Normas da ANPA e o resto da información nos apartados correspondentes deste mesmo blog.

Un saúdo e moitas grazas. 

Menús do mes de setembro do 2023.

 Estimadas familias: 

 

Xa podedes consultar os menús do mes de setembro.

Recordade que podedes acceder a estes, e aos dos meses anteriores, no apartado MENÚ COMEDORES deste blog.

Un saúdo.