Estimadas familias,
xa están á vosa disposición os menús dos comedores para o mes de novembro.
Recordade que podedes acceder a estes, e aos dos meses anteriores, no apartado MENÚ COMEDORES deste blog.
Un saúdo e moitas grazas.
martes, 26 de outubro de 2021
venres, 15 de outubro de 2021
A implicación das familias na prevención da violencia de xénero.
Estimadas familias,
A Federación de ANPAS Compostela organiza o martes, 19 de outubro, unha charla para afondar na participación activa das familias na prevención da violencia de xénero.
Esta é a información que nos fixeron chegar para darlle a maior difusión posible:
CHARLA: A implicación das familias na prevención da violencia de xénero.
(Dirixida a familias do alumnado de Educación Infantil e Primaria)
A violencia de xénero é un problema estrutural e sistémico no que todas as institucións temos que implicarnos conscientemente. Nesta charla conversaremos sobre as formas nas que, sen nos decatar, podemos chegar a reproducir modelos, formas de pensar, estereotipos discriminatorios, ou alentar condutas que non propician o cambio que desexamos. Trataremos de comentar aspectos das relacións afectivas familiares que si inciden positivamente na eliminación desta violencia.
Relatora: Amada Traba, profesora da Universidade de Vigo.
Data: 19 de outubro de 2021
Hora: 17:30 horas
Lugar: Presencialmente no local da FANPA COMPOSTELA, Rúa Estocolmo, 8 - Compostela.
(O aforo do local é limitado polo que unha vez se chegue a 12 inscritos/as "presenciais", o resto de inscritas deberán asistir vía online)
Telemáticamente: https://
As inscricións faranse en liña, cubrindo o seguinte formulario: https://forms.gle/
Agardamos que esta información sexa do voso interese.
Un saúdo.
xoves, 14 de outubro de 2021
Convocatoria da 1ª Asemblea Xeral Ordinaria (Curso 2021/2022)
Estimadas familias, tal e como vos fixemos chegar por correo electrónico, a próxima semana terá lugar a 1ª Asemblea Xeral Ordinaria (Curso 2021/2022) de persoas socias da Asociación de Nais e Pais do CEIP Lamas de Abade.
Día: Xoves, 21 de outubro de 2021.
Hora: 16:00 (Primeira convocatoria) 16:30 (2º convocatoria)
Lugar: No patio cuberto do centro (na parte de atrás)
ORDE DO DÍA:
Aprobación, se procede, da acta da sesión anterior. Coa convocatoria fíxose chegar ás familias a acta da última reunión da Asemblea Xeral (27/10/2020, de maneira telemática) para que as persoas socias poidan realizar alegacións ou precisións á mesma.
Información sobre o estado de contas.
Información sobre o inicio do curso e funcionamento dos servizos de comedor e madruga.
Organización de actividades extraescolares a partir do mes de novembro.
Aprobación do documento de Normas Xerais, incluíndo o sistema de reserva, anulación e adxudicación de prazas naqueles casos nos que as solicitudes superen as prazas dispoñibles. (Achegouse o documento e incorporouse información no ANEXO da convocatoria)
Incorporación de novas socias á Xunta Directiva. (Incorporouse información no ANEXO da convocatoria)
Rogos e preguntas
Ese día, as familias que o precisen poderán facer uso dun servizo de ludoteca, de xeito gratuíto e previa reserva. Se ides facer uso deste servizo indicádeo a través dun correo ao enderezo electrónico da ANPA anpaceiplda@gmail.com.
Se algunha persoa socia non recibiu a convocatoria e o resto de documentación que vos fixemos chegar, pode poñerse en contacto coa directiva a través do enderezo electrónico anpaceiplda@gmail.com.
Nota: De acordo co artigo 24 dos Estatutos que regulan esta asociación, as asembleas quedarán validamente constituídas en 1ª convocatoria cando estean presentes a maioría dos socios/as e en 2ª convocatoria, sexa cal sexa o número de socios/as presentes. Os acordos tomaranse por maioría simple das persoas presentes ou representadas, cando os votos afirmativos superen aos negativos, non sendo computables a estes efectos os votos en branco nin as abstencións.
Un saúdo.
A xunta directiva da ANPA do CEIP Lamas de Abade.
Subscribirse a:
Publicacións (Atom)